ନିର୍ଦ୍ଦିଷ୍ଟ ଗୁପ୍ତ ସୂଚନା ଆଧାରରେ ଶୁକ୍ରବାର ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ସ୍ୱାଭିମାନ ଅଞ୍ଚଳ ଯୋଡାମ୍ବ ପୋଲିସ ଷ୍ଟେସନ ଅନ୍ତର୍ଗତ ଘନବେଡା ଠାରେ ମାଓ ଦମନ ପାଇଁ ମୃତୟନ ହୋଇଥିବା ୧୭୭ ବ୍ୟାଟେଲିଅନ ର ବିଏସଏଫ ଯବାନ ଏବଂ ଜିଲ୍ଲା ସ୍ୱେଚ୍ଛାସେବୀ ବାହିନୀ (ଡିଭିଏଫ) ମାଲକାନଗିରି ଦ୍ୱାରା ଏକ ମିଳିତ ସ୍ୱତନ୍ତ୍ର ଅଭିଯାନ କରାଯାଇଥିଲା। ସର୍ଚ୍ଚ ଅପରେସନ ସମୟରେ, ମିଳିତ ଦଳ ଯୋଡାମ୍ବ ଥାନା ଅନ୍ତର୍ଗତ ଘନାବେଡାର ଠାରୁ ପ୍ରାୟ ୭ କିଲୋମିଟର ଦୂର ଓରାପଦର ଏବଂ ଘୁସୁମପଦର ଗ୍ରାମ ମଧ୍ୟରେ ଥିବା ପାହାଡିଆ ଏବଂ ଜଙ୍ଗଲ ଅଞ୍ଚଳରୁ ଏକ ଗୁପ୍ତ ମାଓ ଡମ୍ପ ଉଦ୍ଧାର କରିଥିଲେ।
ଉକ୍ତ ମାଓ ଡମ୍ପ ରୁ ଉଦ୍ଧାର ହୋଇଥିବା ଜିନିଷଗୁଡ଼ିକ ମଧ୍ୟରେ ଉନ୍ନତ ବିସ୍ଫୋରକ ଉପକରଣ ଆଇଡି ପ୍ରତ୍ୟେକ ୩ କିଲୋଗ୍ରାମ ର ୩ ଟି, ୩୨ ଟି ଜେଲାଟିନ୍ ଷ୍ଟିକ୍ସ, ଡିଟୋନାଇଟର୍ସ ୧ ୧ ଟି, ଗନ ପାଉଡର ୫୦୦ ଗ୍ରାମ, କୋଡେକ୍ସ ତାର ୩ ମିଟର, ଫିଲିପ୍ସ ରେଡିଓ ଗୋଟାଏ , ଟର୍ଚ୍ଚ ୨ ଟି,ଛୋଟ ସୋଲାର୍ ପ୍ୟାନେଲ୍ ଗୋଟିଏ , ୧୨-ଭୋଲ୍ଟ ବ୍ୟାଟେରୀ ୨ ଟି ଆଇରନ୍ , ପ୍ରାୟ ୧୫୦ ଗ୍ରାମ ଜେଟ ସ୍ପ୍ରେ , ପାଇପ ୧ ଟି ବୈଦ୍ୟୁତିକ ତାର ଆପକ୍ସ ୨ ୫ ମିଟର ରହିଛି ।
ଏହି ପୁନରୁଦ୍ଧାର ଦ୍ୱାରା ସୁରକ୍ଷା ବାହିନୀ ଏବଂ ଆନ୍ଧ୍ର ଓ ଓଡିଶା ସୀମାନ୍ତ ଗାଁରେ ରହୁଥିବା ଲୋକଙ୍କ ସୁରକ୍ଷା ବୃଦ୍ଧି ପାଇଛି। ମାଲକାନଗିରି ଜିଲ୍ଲାର ଅତ୍ୟନ୍ତ ପ୍ରଭାବିତ ଅଞ୍ଚଳରେ ବିଏସଏଫ ନିରନ୍ତର ମାଓ ବିରୋଧୀ ଅଭିଯାନ ଜାରି ରଖିଛି। ଏକଦା ମାଓ କାର୍ଯ୍ୟକଳାପର ଗଡ଼ ଭାବରେ ବିବେଚିତ ହେଉଥିବା ଏହି ଅଞ୍ଚଳକୁ ସୁରକ୍ଷା ବାହିନୀ ଦ୍ୱାରା ସକ୍ରିୟ ପ୍ରଭାବ ବୃଦ୍ଧି ପାଉଛି ଯାହା ଫଳରେ ଏହି ଅଞ୍ଚଳରେ ସ୍ଥାୟୀ ଶାନ୍ତି ଏବଂ ସୁରକ୍ଷା ସୁନିଶ୍ଚିତ ହୋଇପାରିଛି ।
